للي ميعرفش مين دول ده الطفس العريس حرامي التورته
دي بنوتة اتقدملها شاب ووافقت والدنيا تمام قبل الخطوبة طلب منها المحبس الي جابه في قراية الفاتحة علشان يحطه مع الشبكة ( تمام عادي خالص حقه ) جه بقى يوم الخطوبة بكام واحدة بس من أهله ( ومالو برضو جالهم مرض جماعي ) الناس تسأله على الشبكة ( الي كانت مع مامته المفروض ) يقولهم مش دلوقتي ، رقص وغنى واتصور وعمال يقولها عاملك مفاجأة وإذا بشوية اهله يصرخوا فجأة ( او الكام واحدة الي جات ) وكلهم جريوا من الفرح وهو معاهم ال ايه خاله تعب فجأة 😱، يروح لخاله بايده فاضية ! ( اخد التورتة الي جابها معاه ومشي ) وساب البنت لوحدها مش فاهمة اي حاجة لا هي ولا أهلها ، بعد ما رجعت بيتها مكسورة الخاطر بعتلها يقولها ايه رايك في المفاجأة وانه فرحان فيها وووو كلام كتير يقلب البطن الحقيقة لانه شايف انه فضحها ( لان احنا في مجتمع المواقف دي بتكون فضيحة للبنت للأسف )
تقوم بنت أبوها تعمل ايه بقى 🤔
نزلت بوست في جروب صغير ٣٠٠ فرد عن الي حصل بالصورة دي واسكرينات من الرسالة الي بعتها
يقوموا الستات الي وقت الجد بيبقوا بمليون راجل عملوا ايه ؟
شيروا البوست في كل مكان لحد ما اتملت الجروبات الكبيرة بالموضوع وانقلب السحر على الساحر وجدع يلاقي حد يدخله بيته بعد الي عمله مع بنت الناس
الخلاصة :::
لو بطلتي خوف وضعف أمام نظرة المجتمع السلبية في المواقف المشابهة هتظهري للناس المدان الحقيقي وهتاخدي حقك وزيادة كمان ( ده غير حقك عند الديان ) 🤚🏻
تعليقات
إرسال تعليق